Shiga

Hpakant Seng Tawng mare kaw, Myen balik Du Jum gap sat hkrum

Hpakan, Seng Tawng mare KBZ Bank shawng kaw, dai hpawt August 3 ya e, myen balik Du Jum langai hte balik hpung ni sinat gap hkrum ai kaw, Du Jum wa si nna, hpyen ma 2 hkala hkrum wa ai lam chye lu ai.

Hpakan Myen Hpyen Balik Dap, Dung (30) na Du Jum Ko Ko Lwin ngu ai wa hte, shi n pu na balik hpung ni dai hpawt manap Seng Tawng mare Kanbawza Bank  2 shawng hta, sinat 10 lang jan gap hkrum wa ai re lam myi chyaw mu ni kawn chye lu ai.

“Dai hpawt manap hkying 7 chyen ram aten Kanbawza bank shawng kaw balik ni nga taw ai ten, la lahkawng sengke hte sa wa na sa gap sat kau da ai. Dai gap sat da ai hpang jahkring nga yang, Lancruzer mawdaw ahpraw hte htaw mat wa ai”  nga nna, KNG dap de tsun shateng wa ai.

Ya na zawn, balik ni hpe sa gap ai ni chyawm gaw, kadai, gara wuhpung kaw na re hpe ginra masha  ni a tsawm tup hkrak nchye kau dat ai lam mung matut tsun dan ai re.

Dai hpawt gap hkrum ai balik Du gaw, lai wa sai July shata Seng Tawng kaw galaw ai n gun madun na bai wa ai mung shawa ni hpe, hkap rim ahkyak la ai hta woi awn shang lawm ai wa re lam, Hpakan ginra masha ni tsun ai.

Hpakant ginra hta Myen hpyen dap hte ni nawn ai ni, pawng hpawm ai ni, mare salang zawn re ai ni the, shiga jaw ai masha zawn re ni, sat hkrum ai marai 20 jan du sai hta, ya na zawn balik Du hpe gap sat ai gaw, shawng ningnan lang ngu na rai nga ai.

Related Articles

Leave a Reply

Your email address will not be published. Required fields are marked *

Back to top button