Hpakant kaw lai wa sai August praw 3 ya shani kaw na marang htu sawng wa ai majaw, Hpakant ginra ting hka kalang bai kaba taw ai lam chye lu ai.
Marang kaba shagu Hpakant Muklum de hka shang ai masa lam the seng na ginra masha langai KNG shiga de n dai zawn tsun dan ai re.
โUru hka lam ting yawng, ga shingbut hkumput hkrai rai mat sai, hka lai na lam n nga mat sai, dai majaw marang loi htu ai hte Mare de hka shang sai mi gaw, Uru hka sha n jasan ding sa mung shawa ni shaning shagu n dai hku hka hpyen tsin yam naw hkrum sha ra ai ga rai nga ai,โ nga tsun ai re.
Ndai kalang hka kaba sawng taw nga ai shara ni gaw , Hpakant myo kata na Mashi Kahtawng, Ngapyawtaw, Myoma lawk ni hte, Mamung, Hpapinย re lam chye lu ai.
Hpakant kaw hka hpyen hkrum ai shata mi pyi rai nna shi yang, ya na zawn hka hpyen tsin yam kaba kalang bai gahtaphkrum sha wa ai lam rai nga ai.
Ndai kalang marang htu sawng ai majaw, Maw Mung mare maga de na แแผแฑแ แฌแแฏแถ ni, hka hpung taw hte rau, yawng yu wa nna,ย dum n ta n kau แแผแฑแ แฌ gaput htenza hkrum mat ai lam ni nga ai hpe ginra mung shawa langai KNG Shiga de n dai zawn tsun dan ai re.
โMarang tsawm ra kaba ai ga rai nga ai, Hka hpung taw kaba ai majaw แแผแฑแ แฌ Zaibru n lung ni yawng lawm nna, n ta hpe she wa kaput kau ai, Mawmung mare na n ta lahkawng gaw yawng nan hten lawm mat saiโ nga matut tsun ai.
Maw Mung maga de n ta yawng lawm ai sha n ga, Kala jawng maga de mung ga sharut gyi nna, n ta de wa kaput hkra ai lam ni mung nga ai hpe chye lu ai.
Kalang jawng lawk ga sharut gyi ai majaw n ta htinggaw 5 daram hkra mat ai lam chye lu ai.
Hpakant kaw ya na zawn hka hpyen tsin yam jahkring hkring hkrum sha nga ai lam gaw, Uru hka lam n san seng mat ai majaw re lam ginra masha langai wa mung n dai zawn matut tsun dan tawn ai re.
Hpakant kaw lai wa sai July 20 ya kaw Uru hka kaba sawng ai majaw, Hpakant ginra ting hka hpyen tsin yam laja lana hkrum sha wa ai rai nga ai.
Hka hpyen tsin yam kaba hkrum aiย shata mi pyi rai n na shi yang kalang bai kaba wa ai mung rai nga ai.
Dai ni kaw na gaw, Hpakant ginra marang hpawng sai majaw, hka ni gau ngwi ngwi yawm wa sai lam matut tsun dan ai re.
