Danai Lido lam, Kawng Ra mare mung shawa dum nta langai hta KIO Salang kaba ni hkawn kang sa hta nga ai ten, Wara Zupย Pyithutsit hpyen la ni sa wa nna, nta madu Salang Lagwi Bawm Yaw hpe gap satย kau nna, Salang Kaba Hting Nan Zau hpe rim woi mat ai lam chye lu ai.
September 13 ya jahpawt hkying 10 ten Ting Kawk Janpruย bum kaw dap jung nga ai Warazup Pyithutsit hpyen hpung ni gaw, Kawng Ra mare kawย hkawn kang sa hta ai KIO Salang kaba lahkawng kaw na langai gaw lu hprawng lawtย mat ai raitim marai langai rim hkrum mat ai lam, dai ginra na mung shawa langaiย KNG shiga dap hpe ndai zawn tsun dan ai re.
โAnhte maga na ni dai kaw hkawn kang hte seng naย zuphpawng sa hpawng ma ai da law, shiga brawng mat ai ga rai nga ai, dai kawย woi hpawng ai salang wa gaw lawt ai, ngam ai salang langai rim woi hkrum ai, nย ta madu wa hpe gaw dai shara kaw nan gap sat da ma ai,โย nga tsun ai re.
Dai jahpawt Sinna Ginwang ginjaw kata na Salang kaba yanย lahkawng gaw Danai muklum hkan na Myen, Sam, Gala, bungli madu, gat dut ai niย yawng hpe dai n ta kaw, hkawn kang hte seng na saw shaga da ai lam nga ai hpeย chye lu ai.
Dai jahpawt zuphpawng woi galaw ai Salang kaba hkawng Lum gaw hprawng lawt mat nna, ngam ai Salang kaba Hting Nan Zau hpe gawย Pyithutsit ni rim woi mat ai lam chye lu ai.
N ta madu Salang Lagwi Bawm Yaw hpe gaw dai shara kaw nanย baw kaw gap sat kau da ai lam chye lu ai.
โN ta madu wa hpe gap sat ai gaw, lahkra kahtan jut kaw sinatย gap bang nna,, baw shingdu maga malawng mat nna dai shara kaw nan si taw ai,โย nga Kawngra mare masha langai KNG de matut tsun dan ai re.
Gap sat hkrum ai Salang Lagwi Bawm Yaw gaw asak 43 ning re ai Kanu dinggai hte madu jan kasha marai 4 hpe bau maka taw ai salangย re lam chye lu ai.
Pyithutsit hpyenla ni, n ta masha ni a man kaw nan masha gap sat kau da ai majaw n ta madu jan kasha ni gaw jahkring hkring htan malap ai lam ni byin taw ai nga, matut tsun danย ai re.
โKanu dinggai hte madu jan gaw, nau hkrap nna jahkringย hkring htan malap taw nga ai, n ta masha ni shalan shabran lu nna, Myit hkam jaย na matu grai ahkyak taw nga ai,โย nga Kawngra mare masha langai
matut tsun ai re.
Warazup Pyithutsit hpyen hpung ni Lido lam kaba ntsa dapย jung shara jahkrat nga nna lai sa lai wa mung mare masha ni hpe sanย jep ai lam galaw nga ai majaw ginra masha ni myit tsang let hkrai hkawm sa taw raย ai lam ginra masha ni tsun ai re.
Lai wa sai shata lahkawng masum hta sha Nawngmi mare mashaย marai 4 hpe mara kata rim woi la nna gap sat kau ai mabyin mung byin lai wa saiย re.
Warazup Pyithutsit ni mara kata mung shawa gap sat ai n daiย kalang hte rai yang, dai ning laman lahkawng lang tawt lai sai lam mu chye luย nga ai re.
