Myothit, Kunglaw mare de shani shagu nbungli hte sa gap

sumla ding sa

Manmaw-Laiza lam ntsa na Myothit, Kunglaw mare de Myen hpyendap gaw shani shagu nbungli hte sa gap ai nhtoi 4 ya du wa sai re.

Ya na zawn nbungli hte wa gap ai majaw mung shawa ni a dum nta law law hten za mat hkrum ai hpe chye lu ai.

“Ya hte laman shani shagu ngu na daram myen hpyen dap maga na ni n bung li hte gap bun ai.” nga nna ginra masha marai langai tsun ai re.

Ya na zawn Wunpawng Mungdan Shawnglawt Hpyendap KIA hpyen hpung ni nga ai shara de Myen hpyendap kaw nna nbungli hte sinat kaba hte hpawn wa gap ai majaw, Myothit, Kunglaw hkan na mung shawa ni yawng ni ya ten Nmawk hte Manmaw mare kaba de hprawng yen shang wa ai hpe mu lu ai.

Myen hpyendap shaning (30) ning daram dap jung lai wa sai Alaw Bum hpe Wunpawng Mungdan Shanglawt Hpyendap KIA kaw nna March 25 ya jahpawt daw zing la kau ai hpang, Myen hpyendap maga ya ten dai shara hpe bai madu lu na matu htim gasat majan hpaw nga ai hpe chye lu ai.

Manmaw-Myitkyina mawdaw lam nmaw ntsa hkawm sa hkawm wa mawdaw ni hku nna Myen hpyendap hpe garum ai lam n galaw na matu hte, hkawm ai shaloi mugar magap makoi ai lam n galaw na matu KIA hpyendap sadi jaw da ai hpe mung chye lu ai re.

Read Previous

Hkawng Lang Hpu Pyitusit wuhpung rim da ai ramma marai 6 hte matut mahkai nlu

Read Next

Hupin makau mahkrai lahkawng bawm kapaw jahten hkrum

Leave a Reply

Your email address will not be published. Required fields are marked *