Hpakant Myen Hpyen Ginwang rung gap gasat hkrum ai hpang, Hpakant Ginwang kata Myen hpyen dap Martial Law bai kahtap n dau ai laika langai shapraw wa ai hpe mu mada lu ai re.
Myen Hpyen dap daru magam zing kau ai hpang kalang ndau da ai rai tim, ya kalang bai kahtap n dau wa ai rai nga ai.
Hpakant kaw Shana hkying 10 kaw na Jahpawt hkying 4 laman shinggan de pru hkawm ai lam n galaw lu na lam Myen hpyen Asuya ndau laika langai shapraw da ai masa lam hte seng na ginra masha langai ndai zawn tsun maram tawn ai re.
“Hpakant แแฝแฑแกแฏแแบแแฏแถแธ gap hkrum ai hpang, แแแบแแแบแธ nkau du hkra yen mat masai. shan hte yen mat ai hte rau gaw Martial Law Shapraw wa ai ga rai nga ai, Hpakant ga gaw Martial Law shapraw tim n shapraw tim galoi mung hkrit maja na hkawm sa ra ai ginra re. shan hte Myen hpyen laknak hpai ai ni hpe grau hkrit tsang ra ai.” nga tsun ai.
Dai n dau laika hta Hpakant ginra kaw, Mung shawa shim lum lam, Tara Upade ngang grin lam ni hpe jahten sharun ai lam ni galaw nga ai hpe mu mada lu taw nga ai majaw, Masha pawng chyawm ai lam, hkaw tsun n-gun madun ai lam ni n galaw lu na lam tsun ndau tawn ai re.
Matut nna, mung masha marai 5 hta jan nna, n mai mahkawng lu na lam ni hpe n dau tawn ai re.
Tara Nshang, Daru magam ahkang aya kashun la na lung wa ai Myen hpyen Asuya re majaw, tara n shang ai ndau laika sha rai nna, mung shawa ni hku na mung hpa hkrit tsang ai lam n nga ra ai lam, Hpakant CDM magam gun langai tsun tawn ai re.
Hpakant ginra gaw, Myen hpyen maga Martial Law n shapraw ai rai tim, Myen hpyen dap hte Pyithutsit ni pawng nna, lam lapran hkrup mara san jep masu nna, mung shawa ni a manu dai ai Ja Gumhpraw Lungseng ni hpe kashun la ai lam ni jahkring hkring galaw lai wa ai nga, ginra masha ni tsun ai re.
