Hupin makau mahkrai lahkawng bawm kapaw jahten hkrum

Bawm kapaw hkrum ai majaw hten mat ai wan leng mahkrai

Hupin mare kaba hte deng 2 daram tsan ai shara na wan leng mahkrai hte mawdaw lam mahkrai 2 April 27 ya shana hkying 11 daram hta bawm kapaw hkrum ai majaw wan leng mahkrai gaw nmai lai hkra hten mat sai hpe chye lu ai.

“Masha hte maw daw lai ai kawng mahkrai kaw gaw hpa n ra ai sha naw mai lai ai raitim, wan leng lam chyawm gaw tsawm ra sawng mat ai. Maga mi na hpri tawng pyi a yai mat ai.” Nga nna ginra masha langai tsun dan ai re.

Mahkrai kapaw hkrum ai hpang, dai shara hte kade ntsan ai shara hta dap jung nga ai Myen hpyendap kaw nna sinat kaba hte 6 lang dang hkan gap ai hpe chye lu ai.

Jinghpaw mungdaw shara law malawng hta Gum shem Myen hpyendap hte Wunpawng Mungdan Shanglawt Hpyendap KIA lapran majan ding yang matut byin nga ai re.

Read Previous

Myothit, Kunglaw mare de shani shagu nbungli hte sa gap

Read Next

CRPH hta KSPP dat kasa langai shanglawm wa ai gaw pati gawng malai nrai

Leave a Reply

Your email address will not be published.