SNA Hpyela marai (3) KIA Dung 26 de laknak jahkrat nhtoi shang wa ai lam nga ai hpe Hpakant shawng lam hpyen magam gun ni kaw na chye lu ai.
Dai Hpyenla marai 3 gaw, October 12 ya shani KIA hpang maga laknak jahkrat let n htoi shang wa ai hpe KIA maga na hkap hkalum la let, dai laknak jahkrat rim hkam ai marai 3 hpe gumhpraw Sen 200 hpra jaw shagrau ai lam galaw wa ai nga KIA hte ni nawn ai Salang langai tsun ai re.
“Ndai laman Uru Hkanam maga de majan gaw ding yang byin taw ai ga rai nga ai, Ndai laman SNA marai (3) แกแแแบแธ shang wa ai da. laknak hte hpawn shang wa ai majaw, KIA maga gumhpraw jaw shagrau ai lam galaw ma ai,” nga tsun ai re.
Ndai laman Hpakant Ginwang Sezin maga de Myen hpyen dap hte KIA dap lapran shani shagu majan gap gasat ai lam ni ding yang byin taw ai hpe chye lu ai.
SNA dap maga atit anang hpyen rim lahkawn ai majaw, ya na zawn laknak hte hpawn nhtoi shang wa ai re hpe chye lu ai.
Lai wa sai August shata kaw na KIA PDF hte SNA Myen hpyen ni majan gasat poi ding yang byin nga ai mung rai nga ai.
KIA pawng hpawm ni htim gasat nga ai hta, SNA Dap shara (2) hpe lai wa sai August (28) ya shani gasat zing la lu wa ai re.
Dai zawn Sezin mare makau na dap shara lahkawng hpe gasat zing ngut ai hpang, hpyen masa ding yang matut shaja hkat taw nga ai rai nga ai.
Ndai laman lawu mung na lung wa ai Myen hpyen mawdaw hpung ni gaw, Hpakant Danai maga de htu shadut man yawng wa na masa nga ai lam, ginra mung shawa ni tsun maram tawn nga ai re.
