Uru Hkanam Sezin mare makau na SNA Dap shara langai hpe KIA Pawng hpawm maga zing madu la lu ai lam shawng lam magam gun ni kaw na chye lu ai.
Ya gasat zing la lu ai shara gaw, Sezin ginra Myo Oo Tezalauk(သဲဇလောက်) maga de October 16 ya shani kaw na gap gasat hkat wa ai hta, 17 ya shani SNA a ahkyak ai dap shara langai hpe lu zing ai nga, shawng lam magam gun ni tsun ai re.
“𝙎𝙚𝙯𝙞𝙣 𝙝𝙩𝙚 𝙜𝙖𝙬 𝙩𝙨𝙖𝙣 𝙖𝙞,𝑻𝒂𝒖𝒏𝒈 𝑶𝒐, 𝙏𝙚𝙯𝙖𝙡𝙖𝙪𝙠(သဲဇလောက်) 𝙣 𝙙𝙖𝙞 𝙢𝙖𝙜𝙖 𝙙𝙚 𝙧𝙖𝙞 𝙣𝙜𝙖 𝙖𝙞, 𝙣 𝙙𝙖𝙞 𝙡𝙖𝙢𝙖𝙣 𝙜𝙖𝙬 𝙢𝙖𝙨𝙖𝙣 𝙡𝙖𝙢𝙖𝙣 𝙜𝙖𝙬 𝙢𝙖𝙨𝙖𝙣 𝙩𝙖𝙬 𝙣𝙜𝙖 𝙖𝙞. 17 𝙮𝙖 𝙨𝙝𝙖𝙣𝙞 𝙎𝙉𝘼 𝙣𝙖 𝙖𝙝𝙠𝙮𝙖𝙠 𝙖𝙞 𝙙𝙖𝙥 𝙨𝙝𝙖𝙧𝙖 𝙡𝙖𝙣𝙜𝙖𝙞 𝙡𝙪 𝙯𝙞𝙣𝙜 𝙖𝙞, 𝙎𝙞𝙣𝙖𝙩 𝙣𝙞 𝙢𝙪𝙣𝙜 𝙡𝙪 𝙖𝙞, 𝙢𝙖𝙣𝙞 𝙙𝙪 𝙝𝙠𝙧𝙖 𝙢𝙖𝙟𝙖𝙣 𝙗𝙮𝙞𝙣 𝙖𝙞, 𝙙𝙖𝙞 𝙣𝙞 𝙜𝙖𝙬 𝙗𝙖𝙞 𝙯𝙞𝙢 𝙖𝙞, 𝙨𝙝𝙖𝙣 𝙝𝙩𝙚 𝙝𝙩𝙞𝙢 𝙙𝙖𝙩 𝙖𝙣𝙝𝙩𝙚 𝙝𝙩𝙞𝙢 𝙙𝙖𝙩 𝙧𝙚,” nga tsun ai re.
Ndai laman hta Sezin ginra Taung Oo, Tezalauk(သဲဇလောက်) mare grup yin ni hta shani shagu majan gap gasat nga ai lam chye lu ai.
Dai ginra hta, SNA maga na htim gasat dat, KIA Pawng hpawm maga htim gasat dat rai lahkawng maga hpyen masa ding yang dai hku shaja hkat taw ai lam chye lu ai re.
Lai wa sai ten Sezin Majan kaw Myen hpyen bawng masha marai 10 jan hpe mung lu rim wa yu ai rai nna, SNA ni a tit anang hpyen rim lahkawn da ai hpyenla nkau mung KIA hte laknak jahkrat nhtoi shang wa ai lam ni nga wa ai re.
Ya majan byin nga ai ginra gaw, KIA Dung 26 ginra kaw lawm ai ginra langai rai nna, Uru ginra hte lamu ga matut ai shara re lam chye lu ai.
Manmaw hte Mungmyit ginra ni hta mung majan ding yang matut naw byin nga ai lam chye lu ai.
Manmaw shawng lam hpyen man hta gaw, Myen hpyen maga na Deng 3,4 maga de htu shadut htim gasat nga ai majaw, majan laja lana byin nga ai re lam mung chye lu ai.
KIA Dung (34) Mungmyit maga de mung Myen hpyen ni htu shadut nga ai majaw, majan shani shagu byin nga ai re.
Mungmyit kaw wa sa bang da ai Myen hpyen n-gun (500) jan gaw ya ten Myitsone Mabeing maga htu shadut htim gasat taw ai rai nga ai.
Mungmyit kaw na htu lung wa ai Myen hpyen hpung ni n dai laman Deng 10 grup yin hta laja lana gasat poi byin taw ai mung rai nga ai.
Mungmyit maga de htu shadut taw ai Myen hpyen hpung ni gaw, Manmaw de hkrang hkra htim gasat shakut taw nga ai masa re lam, hpyen masa yu maram ai ni tsun tawn ai re.
