Hummalin Sezin ginra de SNA sum machyi law ai majaw, KIA Dung (26) Tung Pin mare de bawm sa jahkrat bun wa ai lam ginra mung shawa ni tsun shana wa ai re.
October 19 ya jahpawt Hummalin na rawt lung ai Jet Nbungli langai Tung Pin mare kaw bawm (2) lang jahkrat kau da ai lam chye lu ai.
Myen hpyen nbungli bawm jahkrat ai hta, Si hkala ai lam hpa n nga ai nga, ginra masha wa n dai zawn tsun dan ai re.
“𝑴𝒂𝒏𝒊 𝒉𝒑𝒂𝒘𝒕 𝑱𝒆𝒕 𝑵𝒃𝒖𝒏𝒈𝒍𝒊 𝒉𝒕𝒆 𝑫𝒖𝒏𝒈 𝑷𝒂 (𝑻𝒖𝒏𝒈 𝑷𝒊𝒏) 𝒌𝒂𝒘 𝑱𝒆𝒕 𝑵𝒃𝒖𝒏𝒈𝒍𝒊 𝒃𝒂𝒘𝒎 𝒍𝒂𝒉𝒌𝒂𝒘𝒏𝒈 𝒘𝒂 𝒋𝒂𝒉𝒌𝒓𝒂𝒕 𝒌𝒂𝒖 𝒅𝒂 𝒂𝒊, 𝒎𝒂𝒔𝒉𝒂 𝒈𝒂𝒘 𝒉𝒑𝒂 𝒏 𝒓𝒂 𝒂𝒊, 𝑴𝒖𝒏𝒈 𝒔𝒉𝒂𝒘𝒂 𝒏𝒊 𝒎𝒂 𝒉𝒑𝒓𝒂𝒘𝒏𝒈 𝒚𝒆𝒏 𝒎𝒂 𝒔𝒂𝒊, 𝒎𝒂𝒓𝒂𝒎 𝒚𝒖 𝒚𝒂𝒏𝒈 𝑯𝒖𝒎𝒎𝒂𝒍𝒊𝒏 𝑻𝒂𝒖𝒏𝒈 𝑶𝒐 𝒎𝒂𝒈𝒂 𝒔𝒖𝒎 𝒎𝒂𝒄𝒉𝒚𝒊 𝒍𝒂𝒘 𝒂𝒊 𝒎𝒂𝒋𝒂𝒘 𝒓𝒂𝒊 𝒔𝒂𝒎 𝒂𝒊,” nga tsun ai re.
Ndai laman Uru hkanam de SNA hte KIA Pawng hpawm ni majan shani shagu byin nga ai lam chye lu ai.
Majan byin nga ai shara gaw, Hummalin Ginwang Taung Oo mare makau grup yin ni hta byin taw ai re.
Ndai laman htim gasat ai hta, October 17 ya shani Tawng Oo mare makau na SNA dap shara langai hpe gasat zing madu la lu nna, mani hpawt 19 ya shani hta mung Taung Oo mare makau na Ta May Puk ( တာမယ်ပုတ်ရွာ) na dap shara hpe gasat zing la lu wa ai lam, shawng lam hpyen shi sawk ni kaw na chye lu ai re.
Myen hpyen maga sum machyi law ai majaw, KIA Dung (26) Tung Pin mare de bawm sa jahkrat bun wa ai masa re lam ginra mung shawa ni tsun maram nga ai re.
Ya majan byin nga ai shara gaw, Jinghpaw Mung Sagaing jarit KIA Dung (26) hte (42) ginra re lam chye lu ai.
Uru hkanam Hummalin Sezin grup yin de n dai laman hpyen masa ding yang shaja hkat taw ai mung rai nga ai.
