Brazil COVID-19 kap bra madang mungkan No.2 de du wa

Brazil Covid-19 Map

Myen mung ten, May 24, jahpawt hkying 6:42am du hkra, Dingda Amerika, Brazil mungdan gaw Covid-19 ana mu jep masha yawng 347,398 hte, shi a ntsa Rasha hpe lai nna, ya mungkan e nambat lahkawng law dik kaw du nga sai hpe Worlddometer hta mu lu ai.

Brazil kaw si ai masha 22,013 rai nna Rasha e gaw ana jep shapraw lu ai masha yawng 335,882 rai nna si ai gaw 3,388 re.

Ana zinli law dik byin nga ai Dingdung Amerika, U.S. kaw ana mu jep masha yawng 1,666,801 rai nna si ai gaw 98,683 du sai re.

Mungkan ting Coronavirus a majaw Covid-19 ana kumla mu jep ai masha yawng 5,397,857 rai nna si ai jahpan gaw 343,608 du nga sai re.

Dai hta, Myen mung e May 23, shana hkying 8pm du hkra, ana mu jep masha yawng 201 rai nhtawm si ai gaw marai 6 re lam, asuya Hkamja hte Ginsup Hkringmang Dap ndau ai re.

Read Previous

U.S. a Taiwan hpe torpedo dut jaw na lam Miwa pawt

Read Next

U.S. Covid-19 hte machyi si masha 100,000 de du

Leave a Reply

Your email address will not be published. Required fields are marked *