U.S. Covid-19 hte machyi si masha 100,000 de du

US Covid-19 ana zinli hte si ai 100,000 du, May 26, 2020. Map: Johns Hopkins University

Daini, Myen mung aten, May 27, hkying 12:22am du hkra, U.S. kaw Covid-19 ana zinli hte machyi si ai masha jahpan 100,088 de du ai hpe Worldometer tang madun ai.

Covid-19 ana byin shangun ai Coronavirus jep shapraw lu ai masha yawng 1,713,829 hta bai mai tsai wa ai gaw yawng 468,941 re.

Mungkan hta ana kap ai hte si ai law dik htum, Amerika e na du dik New York mungdaw e si ai masha 29,310 du nna ana mu jep masha yawng 372,494 re.

Myen mung e gaw May 26 asuya Hkamja hte Ginsup Hkringmang Dap a jahpan hte maren, Covid-19 ana mu jep masha 206, si ai marai 6 nan nan rai nhtawm, bai mai tsai wa ai gaw 124 rai nga ai.

Mungkan ting hta ana kap masha yawng 5,641,244 rai nna si ai yawng 349,712 du sai re. Ya ten mungkan ting hkrum sha ai ana zinli tsinyam gaw shawng na ningdaw kata naw re majaw bai kahtap byin wa na hpe mungdan ni sadi maja nga ra na re lam hpe WHO, Mungkan Wunpawng Hkamja Dap kaw nna May 25, bat Langai Ya shani, shadum jahprang wa sai.

U.S. kata Covid-19 kap bra lam shayawm kau lu hkra, Gumsan Magam Donald Trump kaw nna, U.S. hte hkawm sa hkawm wa pat hkum da ai mungdan ni kaw Miwa, Iran, Britain, Ireland, hte Uropa Schengen ginra mungdan 26 lawm nhtawm, ya hpang jahtum pat ai gaw mungkan no.2 Brazil re.

Read Previous

Brazil COVID-19 kap bra madang mungkan No.2 de du wa

Read Next

Myen-KIA Layan Kawng kaw gap hkat

Leave a Reply

Your email address will not be published. Required fields are marked *