Asia World Company a Muse numshang shagyit hta bawm kapaw

Aten 6pm jan, May 11, 2020, hta bawm kapaw hkrum ai Asia World Company gate, Muse, Lahta Sammung. Sumla: Kachin News Group

Lahta Sammung, Asia World Company a Muse numshang shagyit hta May 11, bat Langai Ya shana hkying 6 jan ten, bawm kapaw ai lam byin wa sai.

Lam pat shadun tawn ai gumhpraw hta shagyit hta e bawm langai kapaw ai mabyin kaw masha si hkala nga n nga hte kadai kapaw ai re lam n chye lu shi ai.

“Kadai re ai gaw n chye ai.  Raitim shanhte (Asia World Company) dai kaw pyitusit ni ayan na pru-shang re ni hpe mung hkyamsa n jaw ma ai nga nna loi garu ma ai” nga nna mying n tsun mayu ai ginra masha langai tsun ai re.

Ndai Myen-Miwa jarit hpaga lam nmaw shagyit hta e pru-shang mawdaw shagu hpe gumhpraw hta sha ai rai nna Myen asuya balik dap, hpyendap hte pyitusit hpung ni mung hkap sin nga ai shara re.

Asia World Company a madu gaw Myen mung a kani hkawhkam, Miwa amyusha Slg. Lo Hsing Han a kasha, Slg. Htun Myint Naing snr Steven Law ngu nna mung chye ai, Slg. Lo Ping Zhong re.

Read Previous

Jahten Sharun Hpung ginra ni hta lai Majan Jahkring ai lam Myen hpyendap ndau

Read Next

U.S. Covid-19 si jahpan 80,000 lai

Leave a Reply

Your email address will not be published. Required fields are marked *