Mali Nmai Zup Hka madim masing hpe jahkring kau ai 14 ning hpring lamang hpe Tang Hpre Mare Mali Nmai Zup hka kau hta galaw wa ai lam chye lu ai.
Dai lamang hta Mali Nmai Zup Hka Madim masing hpe prat tup tsep kawp jahkring kau ya na matu galaw ai re nga, ginra masha langai KNG de n dai zawn tsun dan wa ai re.
“Ndai mali Hka madim Masing hpe Theing Tseing Asuya lakhtak ten kaw jahkring kau ya ai dai ni 14 ning hpring sai re. Matut nna mung n galaw u ga, lai wa sai Shata kaw Myen hpyen dap ningbaw Min Aung Hlaing Miwa hte hkrum ai kaw n dai Myit Sone madim bai galaw na hte seng na bai tsun pru wa ai, anhte grai myit tsang ga ai, anhte gaw prat tup tsep kawp jahkring kau ya na hpe sha ra sharawng ga ai,” nga tsun dan wa ai re.
Mali Nmai Zup Hka madim masing hpe 2010 ning Thein Tseing Asuya lung wa ai ten, jahkring kau ya ai September 30 ya shani 14 ning hpring sai re.
14 ning hpring lamang hpe 2025 September 30 ya jahpawt hkying 9 kaw na hkying 12 ten du hkra, ginra masha ni hte makau grup yin buga hkan na Wuhpung wuhpawng ni shang lawm ai masha n gun marai 70 daram hte galaw wa ai hpe chye lu ai.
Ndai lamang galaw ai a yaw shada lam gaw, Mungchying mung shawa yawng a asak sai lam, Mali Hka Nu kaba tsawm tsawm htap htap hte lwi tsawm nga lu na matu, Mali Hka madim masing kaba hpe tsep kawp dawm jahkring kau y ana matu, ginra masha ni tinang mare buga de a tsawm bai w alu ng ana matu, tsawm htap ai Hka ni hpe lu jai lang na matu hte, Makau grup yin shingra tara tsawm htap ngang grin lam ni hte seng nna, hpyi shawn wa ai rai nga ai.
Mali Hka madim masing lam hte seng nna, Myen Hpyen Dap ningbaw Min Aung Hlaing wa gaw, lai wa sai August Shata kaw, Miwa gumsan magam hte hkrum jahta ai ten, kalang bai tsun shapraw wa ai rai nga ai.