Lunghkang Hpunggyi Jawng Shawng Kaw, Hpyendap Gumhpraw Hpyi Sha

Hpakant, Lunghkang mare hpunggyi jawng shawng hta Myen hpyendap gaw mungshawa hkying hte laiwa laisa mung shawa ni kaw nna gumhpraw lahkawn sha nga ai lam chye lu ai.

Lai wa sai May 22 ya shani kaw nna ya na zawn galaw wa ai re lam, gunrai htaw sha nga ai mawdaw la langai KNG hpe tsun dan ai re.

“Gate dung na hta ai gaw n re mungshawa hking hte mawdaw ni lai wa jang hpyi sa dum nna jahkring la ai. U htaw ai maw daw rai yang U langai hpyi ai. Beer htaw maw daw rai yang Beer jaw da ra ai’’ nga na tsun ai re.

Masha htaw mawdaw hpe gaw mawdaw hpan kaw yu na mawdaw mi hta gumhpraw kyat 3,000 kaw na 8,000 du hkra jaw ra ai lam chye lu ai.

Gumhpraw hta sha nga ai Myen hpyenla ni hta sinat laknak lang ai hpe n mu ai lam tsun ma ai re.

Myen hpyendap ni gaw dai hpunggyi jawng shawng hta e, 2021 shawng de kaw nna dap jung let nga taw sai rai nna, 2022 shaning htum wa de, dai Myen hpyen dap hpe KIA hte PDF ni sa htim gasat ai lam mung nga wa sai re.

Exit mobile version