Shwegu Ginwang Shwe Bung Myint Myen Hpyen dap shara langai hpe KIA PDF pawng hpawm ni htim gasat zing madu kau ngut ai hpang, Myen hpyen maga laknak kaba nbungli bawm laja lana gap sharu bun taw ai lam, Shwegu ginra masha ni tsun dan ai.
August praw 4 ya shani Shwegu Ginwang kata na Myen Hpyen dap shara langai hpe gasat zing madu kau ya ai hpang, Myen hpyen dap maga Jet Nbungli Y12 hpan hkum lang nna, bawm wa jahkrat bun nga ai sha n ga, Shwegu kaw na mung laknak kaba ni gap garum ya taw ai lam ndai zawn tsun dan wa ai re.
“Shara lu zing ai kun, n lu zing ai kun gaw n chye ai, mani hpawt kaw na laknak ka dung she nga ngoi gadu taw ai, marang htu nna, gara maga de na n sen re ngu hpe maram na matu yak ai,” nga tsun ai re.
KIA maga htim gasat zing la ai nga shara gaw, Shwegu Muklum shinggan Mandalay Shwegu Mandalay lam kaba n tsa kaw sha re lam matut chye lu ai.
Myen hpyen maga laknak kaba laja lana gap sharu bun ai majaw, Shwegu ginra masha ni yup n mai hkra laknak kaba ngoi gadu gara ai lam tsun ai re.
Myen hpyen maga sum machyi law ai lam gaw, n dai hpang daw KIA maga Sucide Drone hpe wanglu wanglang lu jai lang ai majaw, Myen hpyen maga sum machyi law ai re nga ginra masha ni tsun ai re.
Myen hpyen maga sum machyi law shagu ya na zawn, nbungli Myawk hpan hkum gap sharu ru re lam mu mada lu nga ai re.
Ndai laman Myen hpyen dap hte KIA dap lapran Shwegu ginra maga de majan shani shagu matut byin taw nga ai re.
