Tara shang WHO na pru na matu U.S. Trump asuya galaw hpang

WHO Director-General, Dr Tedros Adhanom Ghebreyesus. Photo: FABRICE COFFRINI / POOL/AFP Via Getty Images

U.S. Trump asuya gaw Mungkan Wunpawng Hkamja Dap, WHO, kaw nna tara shang pru na galaw hpang dat ai ndai lam gaw, Amerika e coronavirus machyi masha rawt lung nga dingyang ten lahkam dat ai mung rai nga ai.

Lahta Rapdaw Maigan Kyit Hkai Komiti malawm, Democrat pati lahta tsang salang, Robert Menendez a Twitter kaw July 7, bat Lahkawng Ya shani, shiga shana ai re.

Ya na zawn, Trump a COVID-19 mabyin masa hta matai htang hku nna WHO kaw nna U.S. pru ai majaw Amerikan ni a asak hte akyu ara ni n lu makawp ai sha, Amerikan ni machyi jawng ai hte
Amerika hkrai shingtai byin taw na re nga, shi a shiga hta ka tawn ai re.

July 4, U.S. Shanglawt Nhtoi hta Gumsan Magam Trump gaw COVID-19 ana zinli hpe “Chinese pandemic” ngu nna kahtap tsun wa sai re.

Shawng e mung, “U.S. gaw WHO hpe alu law dik jaw tim, WHO gaw alu kachyi sha jaw ai Miwa maga n’gyeng tsap ai.”  Bai, “Teng sha nga yang, COVID-19  ana zinli gaw Miwa mung Wuhan kaw 2019, October shata kaw nna chyam bra nga sai raitim, kaga mungdan ni tau hkau sadi maja lu hkra WHO n lu galaw ai” hte, “WHO gaw Miwa a ka-up da hkrum ai”, ngu nna Trump dinglun wa sai re.

Tara shang pru ai lam, July 6, 2021 kaw nna rai na hpe Mungkan Wunpawng Hpung Amu Madu Daju de shiga shana tawn sai nga, U.S. Maigan Kyit Hkai Dap salang langai tsun shagrin ai re.

Read Previous

Indonesia hpe U.S. Osprey pyenli 8 dut jaw na masa nga

Read Next

Jinghpaw Ga, Myen Ga gayau shaga ai lam Daw-3

Leave a Reply

Your email address will not be published. Required fields are marked *