Shiga

Indonesia hpe U.S. Osprey pyenli 8 dut jaw na masa nga

Indonesia hpe, MV-22 Block C Osprey pyenli 8 dut jaw na masa nga ai hpe July 6, bat Langai Ya shani, U.S. Maigan Kyit Hkai Dap hkap la sai nga, Pentagon tsun shagrin ai.

Boeing hte Bell Helicopter yan jawm galaw ai, MV-22 Osprey hpyenla htaw wa htaw sa nbungli 8 kaw hkrat ang ai manu, ntsa lam, $2 billion hte dut byin na masa nga ai lam, DSCA (Defense Security Cooperation Agency) na lit nga salang langai U.S. Rapdaw de shana ai re.

Dai zawn dut jaw ai majaw, Asia-Pacific ginra mungmasa shimlum lam hte sut masa rawt jat wa na lam hta, n-gun langai hku rai nga ai ahkyak ai dai ginra ginrun manang wa a shimlam madang sharawt ya ai gaw U.S. a amyusha shimlam shatawng shada hte maigan polisi bandung hpe madi shadaw ya na hte, Indonesia a madu hkum makawp maga atsam rawt jat wa hkra galaw nga ai hpe karum ai gaw, U.S. akyu a matu grai ahkyak ai re nga, DSCA ndau hta tsun ai.

Osprey gaw mungkan e kaga n nga shi ai, pangka layit gayin pyenli (tiltrotor aircraft) rai nna hpyen shamu shamawt yak dik shingra tara ni hta hpyenla ni majan masing amyu myu galaw lu hkra akyu jaw ai re.

Osprey gaw hpyendap a matu grai ra ladawn ai hte kam hpa ra dik htum nbungli hpan langai rai nna, laklai ai lam gaw ading sha pyen hkring lu ai atsam hte, lawan nna sau sha hkyem sa ai singkaw-kap (fixed-wing) nbungli, rai nga ai.

Ya ten du hkra, V-22 pyenli 400 jan a masing amyu myu hte pyen ai hkying hkum yawng hpe pawng gahkyin dat yang, aten hkying hkum 500,000 jan sai lam chye lu ai.

Related Articles

Leave a Reply

Your email address will not be published. Required fields are marked *

Back to top button