Rasha hpyen mawdaw n’nan sing, Moscow Red Square hpyen hprim hta, wan hkru

Rasha a Bumerang, hpyenla htaw hpri makawp mawdaw n’nan sing gaw, June 24, bat Masum Ya shani Moscow, Red Square hpyen hprim kaba galaw ai shaloi, wan hkru ai lam byin ai re.

Bumerang gaw leng hte re ai hpri makawp hpyen mawdaw amyu hta tsang madang hpang jahtum rai nna dap hkum jai lang lu na yaw shada let Military Industrial Company galaw ai re. Dai hpe ningpawt nna, K-16 APC (Armored Personnel Carrier) hte K-17 IFV (Infantry Fighting Vehicle) hpe Moscow, Red Square kaw galaw ai Padang Dip Nhtoi hpyen hprim hta e mungshawa hpe madun dan sai.

Bumerang a shawng n’nan hkrang kasi (prototype) hpe 2013 hta shapraw nna, masat nambat hku galaw shapraw ai lam (serial production) hpe gaw 2020 hta hpang wa ai re. Shawng n’nan, shawa pya dan ai lamang hpe 2015 May 9 hta Moscow makau Alabiona gawt chyam shara kaw galaw wa sai.

Ya yang Rasha hpyendap hta naw jai lang nga ai, BTR-82A hte BTR-80 APC baw hpan hpri makawp mawdaw 2,000 grup yin nga nhtawm, dai shara kaw galai lang na yaw shada let Bumerang hpe gyin shalat wa ai rai nga ai.

Rasha gaw kalang dat ndai Bumerang majan mawdaw n’nan sing hpe maigan de shapraw dut na matu ndau tawn ai hta, lu dut ai manu ntsa lam Amerikan dollar $1 billion re nga, Rasha asuya a laknak dut hpaga dap, Rosoboronexport a shi rung (press office) gaw April shata hta tsun wa sai.

Rosoboronexpert CEO Alexander Mikheyev tsun ai kaw, Afrika, Sinpraw Ga-ang, Sinpraw-dingda Asha (Myen mung lawm ai), hte CIS (Soviet USSR na ga garan ai mungdan ni), mungdan ni gaw Bumerang hpyen mawdaw hpe myit shang sha ai lam ni madun wa sai nga, tsun ai re.

Bumerang majan mawdaw hpan hpe Rasha Makawp Maga Dap a htet shana ai majaw gin shapraw ya ai re. Laklai ai atsam gaw, shi a hkum hta laknak hte hkingrai hpan amyu myu law dik madang shakap lang lu hkra hkrang shapraw tawn ai re nga, Rosoboronexport shaleng tsun ai.

Exit mobile version