Jarit gashun hkat manghkang byin ai de Miwa, Gala hpyen n-gun jat

China Type 15 tank. Photo credit: Li Song

Himalaya bum ntsa, ndai laman jarit gashun hkat manghkang bai byin wa ai shara de Miwa hte Gala mungdan lahkawng na hpyen n-gun, wa jat tawn ai lam ni galaw ai re.

Gala hpyen n-gun 36,000 jan hpe manghkang byin ai jarit mayan jahkrat tawn sai nga, Gala shiga lawk ni tang madun ai.

Miwa gaw hpang jahtum shapraw ai, bum pa layang kaw lang ai baw, namnak tsang ai tank (tauhpau mawdaw) Type 15 baw hpan hpe manghkang byin ai Himalaya jarit de jahkrat tawn ai lam, Miwa asuya manaw Global Times shiga hta tsun ai.

Ndai Type 15 tank ni hte pala ajet gap chyam ai lamang hpe Miwa mung Sinna-dingda, meter 4,500 (deng 2.8) tsaw ai Tibet Madu Uphkang Mungdaw kata galaw wa sai hpe Global Times tsun ai.

Himalaya bum ntsa mungdan lahkawng jarit, Miwa maga Galwan pa, Gala maga Ladakh ginwang, hta June 15 ya shana, maga lahkawng dap ni sinat laknak n lang ai sha, shaning 45 ning laman, shawng n’nan kaba dik gasat hkat ai kaw, lahkawng maga si hkala lam nga ai re.

Gala hpyenla 20 si nna 17 ningma sawng ai lam Gala Hpyendap tsun timung Miwa si hkala lam hpe tara shang n tsun ai re.

0 Reviews

Write a Review

Read Previous

Rasha hpyen mawdaw n’nan sing, Moscow Red Square hpyen hprim hta, wan hkru

Read Next

Myen COVID-19 makawp ninghkap ladaw, July 15 de bai sit

Leave a Reply

Your email address will not be published. Required fields are marked *