Gala Nbung Dap MiG-29 jet pyenli hkrat kapaw

MiG-29 UPG jet fighter, Indian Air Force. Sumla: Russian Aircraft Corporation

Gala Nbung Dap MiG-29 jet pyenli langai, May 8, bat Manga Ya, jahpawt daw Panjap mungdaw Hoshiarpur ginwang kata wa hkrat ai lam, Gala shiga lawk ni tang madun ai.

Rasha, Mikoyan galaw shapraw ai MiG 29 (UPG) hpan jet hpyen nbungli gaw Chuharpur mare makau wa hkrat kapaw hkru mat ai re nga, dai ginra shiga ni tsun ai.

Hkying hkum loi mi na ai hpang she, jet majan nbungli MiG-29 jak hten nna wa hkrat ai hte gawt ai pilot wa gumlawt pru lu ai lam, Gala Nbung Dap IAF salang ni shiga shagrin wa ai re.

Myen Nbungli Dap hta MiG-29 jet (10) lu da sai hte matut nna Sukhoi Su-30 jet (6) hpe la na htet da sai re.

Rasha MiG-29 hte Su-27 jet ni gaw U.S. F-15 hte F-16 jet ni hpe shingdaw lu na yaw shada let galaw shapraw ai lam rai nga ai.

 

0 Reviews

Write a Review

Read Previous

U.S. Covid-19 si jahpan mun sanit du sai

Read Next

Jahten Sharun Hpung ginra ni hta lai Majan Jahkring ai lam Myen hpyendap ndau

Leave a Reply

Your email address will not be published. Required fields are marked *