Ameracan Mungdan prangwan ra lata poi hta, ya tatut woi awn nga ai Republican Party hpe Democratic Party ni hku na ra lata poi dang ai lam Ameracan Mungdan daju shiga ni hta tsun ndau tawn ai hpe mu lu nga ai re.
Ndai kalang prang wan ra lata poi hta Rapdaw shara lahkawng yan kaw Democratic Party maga na hkrai dang ai lam hpe mu chye lu nga ai re.
Ndai kalang na ra lata poi kaw Democratic maga na rapdaw shara law malawng kaw dang ai re majaw, du wa na February shata kaw galaw na, Mungdan tara nnan ni hpe shagrin na matu rapdaw kata Party lahkawng maga a tsawm sha lu madi madun hkat sai majaw, tengman mai kaja ai mahtai ni hpe lu wa na Ameracan Mungdan masha ni myit mada ai lam tsun tawn ai re.
Ndai ra lata poi rai ndu ai laman hta, Ameracan rapdaw shara lahkawn yan kaw, Donal Trump woi awn ai Rebupilican party maga na hkrai shara la tawn ai rai nga ai.
Ra lata poi mahtai nnan lu wa ai hpang gaw, Ameracan gumsan magam langai hkrai shi galaw mayu ai hku hkrai galaw taw ai lam hpe yu gawn hkang lu mat sana re lam Ameracan shiga ni hta matut tsun tawn ai re.
Ameracan mungdan prangwan ra lata poi mahtai hpe Gumsan magam Donal Trump hku na gaw, myit mu myit hkut ai hte a tsawm sha hkap la mat na re lam, Media ni de tsun htai tawn ai re.
Donal Trump maga na mung, ya lung wa ai Decocratic Party maga na Salang ni hte mungdan a mai kaja ai magam bungli lam ni hpe lata gindun jawm galaw sa mat lu na hpe myit mada ai nga tsun tawn ai re.
Democratic Party ni hte lama ma hku na myit hkrum lam lu wa hkra jawm shakut galaw mat na re nga nna mung tsun da nga ai re.
