SNA Hpyenla langai KIA Dung (26) dap de laknak jahkrat n htoi shang wa ai nga, dai ginra na magam gun langai KNG shiga de tsun shana wa ai re.
Nawnglut pa Sinpraw hkran maga Hepa mare na SNA Hpyenla Htun Lin ngu ai wa gaw, KIA Dung (26) de laknak hte hpawn nhtoi shang wa ai nga, dai ginra na magam gun langai KNG de ndai zawn tsun ai re.
“แกแแแบแธ ๐๐๐๐๐ ๐๐ ๐๐๐ ๐๐๐๐ ๐๐ ๐๐๐, ๐๐๐ ๐๐๐ ๐ต๐๐๐๐๐๐๐ 6 ๐๐ ๐๐๐๐๐ ๐๐๐ ๐๐๐๐๐๐ ๐๐๐ ๐๐ ๐๐๐ ๐๐๐๐๐ ๐๐ ๐๐ ๐๐๐ ๐๐๐ ๐๐, ๐ ๐๐ ๐๐ ๐๐๐ ๐ด๐๐๐๐๐๐๐ ๐๐๐๐ ๐๐ ๐๐, ๐๐๐๐ ๐๐๐๐๐ ๐๐๐๐๐ ๐๐๐ ๐๐๐๐๐๐๐ ๐๐๐ ๐๐ ๐๐๐๐๐ ๐๐ ๐๐๐ ๐๐๐ ๐๐,” nga tsun ai re.
SNA Hpyenla Htun Lin gaw AK-47 sinat lau (1), Pala (189), Lata kabai bawm -1 hte magazine (3) hpai nna, shang wa ai lam chye lu ai.
Dai zawn laknak hte hpawn rai KIA hpang de shang wa ai SNA hpyenla hpe KIA maga kabu gara hkap tau hkalum la ai hku na Gumhpraw Sen (30) hte hkap shagrau jaw ai lam nga ai hpe matut chye lu ai.
Ya ten dai hpyenla hpe KIA maga shim ai shara kaw tawn da sai nga magam gun wa matut tsun ai re.
Ya ten KIA Dung (26) ginra Lungtung mare grup yin ni de hpyen masa shaja hkat ai lam ni byin taw nga ai re.
Nawnglut Ginra hta SNA dap maga mung shawa ni hpe atit anang hpeyn lahkawn ai majaw, ya na zawn hpyen hprawng law wa ai re lam, hpyen masa yu maram ai ni tsun da ai re.
Lai wa sai October 10 ya shani hta mung Sezin maga de na SNA Hpyenla marai (3) laknak hte hpawn KIA hpang de nhtoi shang ai lam, nga lai wa sai re.
