Mungmyit hte Manmaw majan man ni de Myen hpyen maga htu shadut htim gasat ai lam ni galaw nga ai majaw, majan ding yang matut byin nga ai lam shawng lam hpyen magam gun ni kaw na chye lu ai.
Mungmyit mare kaw dung ai Myen hpyen Dap kata na Deng 7 maga laknak kaba nbungli ni hte wa gap sharu bun ngut ai hpang, lagaw lam hku bai htim gasat lung wa ai majaw shani shagu ngu na majan byin taw ai lam ginra masha langai KNG shiga de tsun ai re.
“𝒀𝒂 𝒉𝒕𝒆 𝑫𝒆𝒏𝒈 11 𝒅𝒆 𝒅𝒖 𝒉𝒌𝒓𝒂 𝒈𝒂𝒔𝒂𝒕 𝒅𝒖 𝒘𝒂 𝒂𝒊 𝒉𝒑𝒆 𝒑𝒂𝒘𝒏𝒈 𝒉𝒑𝒂𝒘𝒎 𝒎𝒂𝒈𝒂 𝒉𝒌𝒂𝒑 𝒔𝒉𝒊𝒏𝒈𝒍𝒂 𝒈𝒂𝒔𝒂𝒕 𝒂𝒊 𝒎𝒂𝒋𝒂𝒘, 𝒎𝒚𝒆𝒏 𝒏𝒊 𝒃𝒂𝒊 𝒉𝒕𝒊𝒏𝒈𝒏𝒖𝒕 𝒏𝒏𝒂, 𝒚𝒂 𝒈𝒂𝒘 𝑫𝒆𝒏𝒈 7 𝒈𝒓𝒖𝒑 𝒚𝒊𝒏 𝒌𝒂𝒘 𝒔𝒉𝒂𝒏𝒊 𝒔𝒉𝒂𝒈𝒖 𝒈𝒂𝒔𝒂𝒕 𝒑𝒐𝒊 𝒃𝒚𝒊𝒏 𝒏𝒈𝒂 𝒂𝒊.” nga tsun ai.
Ya ten Myen hpyen dap gaw Mungmyit ginra hta Hpyen man masum hpaw nna, KIA hte Pawng hpawm hpung ni hpe htim gasat nga ai lam, ginra masha ni kaw na chye lu ai.
Matut nna, Manmaw hpyen man shara ni de mung lagaw dap hku htu gasat n lu jang, laknak kaba nbungli bawm ni bai sa jahkrat bun rai nna, htim gasat taw ai lam, shawng lam hpyen magam gun ni kaw na chye lu ai re.
Myen hpyen maga ya ten Manmaw Deng 2 hte Kung Mahat maga htu shadut htim gasat taw ai rai nga ai.
Malihka zinlawng Moe Sein Kyun maga de mung Drone laknak kaba gap bun hkat ai lam ni ding yang galaw nga ai hpe matut chye lu ai re.
