ShigaSimsa lam

Sara yan hpe kyu hpyi garum na matu KBC Myitkyina Ginwang hpyi shawn

Ya yang hkyuk htawng e sharen da hkrum ai Sara Sumlut Tu Htang hte Rev. Bima Dau Lum yan lawt pru lu hkra akyu hpyi garum na matu KBC Myitkyina Ginwang kaw nna Dai ni February 16 ya laban shani, buga hpung ni de garum hpyi dat ai lam chye lu ai.

Sara yan hte seng nna bawngban nga ding yang re majaw, laika shabra ndau ai lam kaga n galaw na matu mung hpyi lajin da ai re.

Bai nna sara yan hte dum nta masha ni hpe garum mayu ai ni nga yang mung garum mai ai lam, buga hpung ni de shadu ai laika kaw nna chye lu ai re.

60th Lang na Rawt Malan nhtoi Jaw Bum e galaw ai hte seng nna KBC Myitkyina ginwang ramma hpa-awn Sara Sumlut Tu Htang hte Jaw Bum shatsawm Jahtap lit hkam Rev. Bima Dau Lum yan hpe February praw 6 ya shani Myitkyina Pyada dap de hkang zing kau ai re.

Dai Hpang February 11 ya shani Myitkyina htawng de bai htawt sit kau ai re.

Sara yan hpe ntara wuhpung matut ai tara masat 17/1 hte ahkyak la ya na matu Myen hpyendap Dingdung Daw Daju MPHk kaw nna Pyada dap de tsun da ai lam chye lu ai.

 

Related Articles

Leave a Reply

Your email address will not be published. Required fields are marked *

Back to top button