Hugawng Pa ginra masha ni hte Yuzana company lamu ga manghkang bai byin

2019 ning e company hte yuzana company lapran na manghkang

Jinghpaw mungdaw Hugawng pa ginra masha ni hte Yuzana company lapran lamu ga manghkang ndai bat laman kalang bai byin ai hpe chye lu ai.

February 12 ya shani Warazup mare na Slg. Hpaula La Ja hte Jahtuzup na Slg. Lamung Tang Gun yan a lamu ga masat gaiwang de Yuzana company maga kalang bai shang wa nna, Backhole hte galau jahten kau ya ai lam Mungchying Rawt Jat (MRJ) salang Tang Gun tsun dan ai re.

Ndai hte seng nna February 13 ya shani Warazup mare uphkang rung e hkrum na matu galaw ai raitim, nmai byin mat ai lam chye lu ai.

Slg. Hpaula La Ja a hkau na nkau hte Slg. Tang Gun a lamu ga nkau ganaw jahten kau hkrum ai lam tsun dan ai re.

Hugawng Pa e ginra masha ni hte Yuzana company lapran lamu ga manghkang jahkring hkring byin nga ai raitim, asuya lit la nna hparan ya ai lam nnga shi ai re.

Gahtawng 25 lawm ai Hugawng pa lamu ga eka sen kaba hpe 2004 e asuya gaw sharaw kyem gaiwang ngu masat zing kau ai hpang, 2007 e yuzana company bai shang wa ai re.

 

0 Reviews

Write a Review

Read Previous

Hpakan, Kamaing ginra masha ni lata hte lung seng htu sha lu na ahkang shawk mai

Read Next

Sara yan hpe kyu hpyi garum na matu KBC Myitkyina Ginwang hpyi shawn

Leave a Reply

Your email address will not be published. Required fields are marked *