Shiga

Myitkyina Jaw Bum rawt malan poi hta shang lawm ai mung shawa marai 2 hpe Pyada dap e san jep

(60) lang na Rawt Malan Nhtoi hpe Myitkyina Jaw Bum e galaw ai hta shanglawm ai mungshawa marai 2 hpe ya yang Myitkyina mare daju pyada dap e san jep nga ai lam chye lu ai.

Jinghpaw Wunpawng Hkalup Hpung Ginjaw KBC, Myitkyina Ginwang ramma hpa-awn Sara Sumlut Tu Htang hte Jaw Bum lit hkam sara Byima Dau Lum yan hpe Dai hpawt daw hkying 11 daram kaw nna Myen hpyendap hte Pyada ni wa woi la nna ya yang san jep nga ding yang re.

Hpa majaw san jep ai hpe ya du hkra nchye shi ai re.

Shan 2 gaw mana Jaw Bum e galaw ai Jaw Bum shatsawm shahtap alu tam yu ngwi prinra hta woi awn ai lit hkam yan re hpe chye lu ai. Mana lamang galwa nga yang, Myen hpyendap hte pyada lit nga salang ni sa du jep ngut ai hpang, dai hpawt kalang bai wa woi la nna ya yang jep nga ding yang re.

Mungshawa 4000 daram shanglawm ai Rawt malan wunli la kyuhpyi hpawng hpe Mani Jaw Bum e galaw sai re.

Dai lamang hta amyusha dawhkawn hpe jai lang ai zawn, Dazik nlawm ai shawnglawm hpyen hking ni hpe mung jai lang nna gamung madun ai lamng galaw wa ai re.

 

Related Articles

Leave a Reply

Your email address will not be published. Required fields are marked *

Back to top button