Mali zup madim masing pat shingdang na matu, tara rung n hkap la

mali zup madim

Mali zup hka madim hpe prat tup jahkring lu na matu, madim galaw ai Company CPI snr SPIC hte Asia World Company lahkawng hpe tara shawk da ai lam Myitkyina Ninghtawn tara rung nhkap la ai lam November praw 8 ya shani tsun ai re.

Ndai amu shawk da ai lam hpe Lai wa sai October 25 ya shani ginra masha marai 302 gawng malai Tara kasa Phoe Phyu tara rung de shawk da ai re.

Myen-Miwa asuya lahkawng lapran myit hkrum galaw da ai re majaw, tatut galaw ai company hpe tara ahkyak la na lam nmai byin ai majaw n hkap la ai re nga nna Myitkyina ning htawn tara agyi Slg. Nyunt Lin tsun ai re.

Ginra masha ni a gawng malai garum ya ai tara kasa Phoe Phyu gaw ndai dawdan ai lam hte seng nna, lahta tsang de bai matut shawk mat wa na lam tsun ai re.

Mali zup madim hpe ya yang gan jahkring da ai nga tim, madim hpe galaw na company ni matut nga nga ai zawn, SPIC hku nna mung madim a kaja lam hpe ginra masha ni hpe tsun dan ai lam dingyang galaw nga ai re.

Madim hpe 2006 Hpyen asuya lak htak myit hkrum galaw hpang wa ai rai nna, mung shawa yawng ninghkap ai majaw Gum San magam Thein Sein lak htak gan jahkring kau ai re.

Raitim, masing a majaw htawt sit hkrum ai ginra masha ni gaw tinang ginra de bai nhtang wa lu na matu myit makun nga ma ai re.

Overview

0 Reviews

Write a Review

Read Previous

Laiza DGA kawng de Myen ni laknak kaba gap bun

Read Next

Myen hte DDD hkrum hkat na jahkrup dingyang

Leave a Reply

Your email address will not be published. Required fields are marked *