Waimaw, Wunpawng Mungdan Shanglawt Hpyendap KIA dung 3 ginra hta Myen hpyen dap hte Pyithusit pawng hpawng let, hpyen shamu shamawt ai lam grau galaw wa ai nga, ginra masha ni tsun ai re.
Lai wa sai June shata 22 ya shani KIA dung 3 na Du Mung Ja hpe U shwe min a pyihtusit ni wang gap sat kau ai hpang, dai pyithusit wuhpung ni hte Myen hpyen la ni gaw, mung shawa hkying hpun nna, hkau na hkan, yi sun hkan, dingyang lagyim hkawm, nga hkawm shamu shamawt taw ai sha n ga, hkau na sa sa wa wa galaw ai ginra mung shawa ni hpe mung, sawk jep ai lam ni galaw ai nga tsun ai re.
“shawoi gaw M-P-Hk de na hpyenla ni sa sin garum ai. Ya chyawm 321 na ni bai garum nga ai. KIA ni galoi bai sa gap na kun ngu maja taw sam ai” nga nna mabyin lam ni hpe Deng 9 Aung May -2 ginra masha langai KNG hpe tsun dan ai rai nga ai.
Dai sha n ng ana, Pyithusit wuhpung ni gaw mare kata hkan shana hkying 10 hpang de pru hkawm ai kadai hpe mung gap sat na re lam tsun sadi jaw da ai lam chye lu ai re.
Lai wa sai, June 22 ya shani gaw, KIA dung 3 na, 2 kap Du Mung Ja hte magam gun n kau, Awng Mye -2 mare e Ka ni Nang Hpam pat jasan shang nga ten, Pyihtusit wuhpung sa wang gap sat kau ai hpang ya na zawn masa galai wa ai lam rai nga ai.
Wai maw ginwang, Myen hpyen dap daru magam zing kau ai hpang Pyihtusit gaw, lai wa sai wa mung shawa ni hpe gate hkap let gumhpraw hta sha ai lam grau galaw wa ai rai nga ai.
