Waimaw, Nawng Hking mare hta amyu shayi langai roi rip sat hkrum

Waimaw, Nawng Hking

Waimaw, Nawng HKing mare Ja maw langai hta shat shadu ai amyu shayi langai roi rip sat hkrum ai mabyin ndai bat byin lai wa sai re.

July praw 4 ya shani, dai ja maw hta shat shadu ai asak 20 ning daram re amyu shayi wa hpe rau bungli galaw ai hkawng ma langai nam de hpun hta sa ga ngu woi mat ai hpang, roi rip sat kau ai re. Dai hpang shani, dai amyu shayi hpe nmu ai majaw, shanhte hta na kawa hkrum ai ningma kap ai wa hpe san jep yu yang, mabyin yawng hpe chye lu ai nga ginra masha langai KNG shiga dap hpe tsun dan ai re.

Dai roi rip ai hkawng ma hpe san jep ai ten adup abyen re majaw, shi mung nnga mat ai lam matut chye lu ai.

Roi rip sat hkrum ai amyu shayi a moi mang hpe, June praw 6 ya shani she, ja maw makau hka kau hta mu tam ai rai nna, roi rip ai la wa hpe si hkra gayet ai hta lawm ai ni hpe gaw Waimaw Pyada ni kaw nna rim da ai lam matut chye lu ai re.

Roi rip sat hkrum ai amyu shayi gaw Sammung kaw nna Jinghpaw mungde bungli galaw na matu lung wa ai rai nna, dai ja maw hta bungli shang ai bat 2 daram sha naw re lam chye lu ai re.

Read Previous

Waimaw ginra, Pyithusit ni hpyen n gun jat nna shamu shamawt taw nga

Read Next

Buga hpung hta laika sharin hpang sana lam Shatapru nawku hpung ndau

Leave a Reply

Your email address will not be published.