Myitkyinaย mare kata jawng ma langai, Manang la wa hpe n htu galun ai lam byin wa ai hpe chye lu ai.
August praw 4 ya shani ka-ang jawng yu nna n ta gan wa ai ten, Maisakwang lawk kaw du ai ten, hpang kaw hkan jawn ai manang sengke gau taw ai manang wa hpe n htu galun ai lam byin wa ai the seng nna, garum kahtau hpung na lit nga ai ni KNG shiga de n dai zawn tsun dan wa ai re.
โMyitkyina Masat (8) laprang tsang jawng kaw jawngย lung taw ai jawng ma lahkawng shani shat sha jawng yu na n ta gan wa ai ten, hpang kaw hkan jawn nang ai manang wa, n htu hte galun nna, Sengke gau ai manang wa hkala hkrum wa ai, nhtu galun hkrum ai majaw lata kaw 3 lang, baw kaw kalang, shabyi kaw kalang n htu hkang hpe mu jep shapraw ai,โ nga tsun ai.
N htu galun hkrum ai jawngma wa gaw ya ten grai tsang ra ai madang n re sha, ningma loi li kap mat ai madang ram sha re hpe chye lu ai.
Nhtu the galun ai jawngma gaw, Zilun lahta tsang jawng kaw jawng lung nga ai asak 16 ning re ai jawng ma re hpe chye lu ai.
Dai jawngma wa gaw, shawoi hkan lam n braw hkan gumhpraw kashun ai kaw mung lawm yu ai jawngma shabrang wa re hpe chye lu ai.
Jawngma shada ya na zawn n htu the galun hkat ai lam the seng na, shada lapran kaw n hpa mangut lam ni nga ai ngu hpe gaw a tsawm tup hkrak n chye lu ai re.
