Myitkyina Mahkrai kaba n tsa kaw Myen hpyen maga Miwa de na shang ai gunrai yawng hpe bai hkum pat da sai lam, ginra masha ni kaw na chye lu ai.
Myitkyina de hkamja lam hte n htuk ai gunrai ni grai shang wa ai majaw, hkringmang daju kaw na nan mahkrai kaw lit nga ai ni hpe pat kau shangun ai lam re nga, gunrai hpaga hpung kaw lawm ai Salang langai KNG shiga de n dai zawn tsun dan wa ai re.
โMadung gaw Myitkyina de Miwa na Udi sawt (แกแแฏ) hkam ja lam a matu n htuk manu ai lusha hpan hkum grai shang wa ai majaw, Wungyi Chyuk wa nan pat kau shangun ai re da. N shalai yang gaw n dai de na ni hpa n sha nga ai gunrai gaw hpu re ga rai nga ai,โ nga tsun ai.
Miwa hkran maga na shang ai gunra ni yawng hpe Bala Minhtin mahkrai pawt Mungna gunrai ginlen shara kaw na n shalai ai majaw, Myitkyina de gunrai manu tsaw rawt nga ding yang re lam, chye lu ai.
Myitkyina de shang na gunrai ni hpe gumhpraw hkap hta ai, ngut na, lam kaw Myo shang manu gun rai Custom manu lang the lang hkap hta ai, nga tsun ai re.
Shawoi hkan gaw dai zawn gumhpraw hkap hta tim, aten du jang shi hte shi a tsawm sha lu lai shang mat ai lam chye lu ai.
Ndai kalang gunrai htaw bang ai gaw, grai yak ai nga, mawdaw la langai mung KNG de matut tsun dan wa ai re.
Shawoi dai mahkrai kaw, gunrai mawdaw kaji kaba hta hkan nna, sen shi jan kaw na sen tsa lam du hkra jaw ra ai lam nga ai hpe chye lu ai.
Ndai laman Myitkyina Bala Min Htin Mahkrai kaw miwa de na shang ai gunrai pat da ai majaw, lawu ga de shalai ai gunrai manu grau tsaw rawt wa na masa pru ai lam mawdaw la ni matut tsun dan ai re.
Ndai zawn pat da ai gaw galoi gara shani bai hpaw ya na ngu ai mung n chye lu ai rai nga ai.
