Lawa mare hta n tara sat kau hkrum ai mung shawa marai (9) a mabyin, shata 8 hpring Myit ningja sharawt akyuhpyi hpawng hpe Namti Lambraw Yang mare gawk nu hta September 25 ya shani galaw wa ai lam chye lu ai.
Ndai hpawng lamang hta, marai 9 ngam kau da ai dum nta masha ni, shalan shabran lu na hte tengman ai mahtai pru wa lu na matu yaw shada let galaw wa ai re lam chye lu ai.
Lai wa sai January 24 ya shani Lawa de Nga wa hkwi sha ai ten, KIA Dung 20 ni kaw na, n tsen n hten ai hte rim woi mat ai hpang, a tsawm san jep ai lam n nga ai sha sat kau ai re lam chye lu ai.
Ndai lam hte seng na, KIA ginjaw Laiza hta ndai amu mabyin lawng lam hpe san jep taw nga ding yang hta, Myitkyina Manmaw lam pat mat ai majaw, n dai amu hpe lawan n lu hparan shangut ai re lam, tengman lam tam commission na lit nga ai salang langai tsun ai re.
Ndai kyuhpyi hpawng lamang hta, sat hkrum ai marai 9 a jinghku jingyu dum n ta masha ni hte Lambraw Yang mare na mung shawa hkying mi hkawt sa du shang lawm wa ai lam chye lu ai.
