Mandalay-Myitkyina lam n maw kaba, Si Ping ย mare makau grup yin kaw lam hten taw ai majaw, kaga Nam lam hkuย lai ra ai majaw, mawdaw la ni mayak byin hkrum taw nga ai re.
Nam koi lam hku hkrai lai ra nna, ndai laman marang htu sawng hkum pup hkum pa nya ai majaw, gunrai mawdaw ni hpe magwi, hkauna galau jak ni hte dun ra taw ai masa lam hte seng nna, Mawdaw la langai KNG shiga de n dai zawn tsun dan ai re.
โ Lam nmaw kaba hku n shalai ai, Katha maga hka lam ni hpe rap nna lai taw ai mung n lai shangun mat, kaga namkoi lam langai bai hpaw nna hkawm sa taw ai, ya gaw marang grai htu sawng ai majaw, Si Ping grup yin kaw tsep kawp nmai lai mai sai, lam grai nya mat sai, mawdaw ni mung grai chyat jawng taw ai,โ nga tsun ai re.
Ndaii laman, Myen ni Mawdaw lam nmaw kaba hpe pat da ya ai majaw, Koi lam hku hkawm sa ra ai. Koi lam hku mung, hkum pup hkum pa hkrai nyap taw nna, Magwi Hkauna galau jak ni lang nna, dun shalai la ra taw ai hpe chye lu ai.Ndai laman Mawlu Si Ping ( แ แฎแแญแแบแธ) Nmaw lam kaba grup yin hta majan byin ai lam hpa n nga ai rai tim, Myen hpyen maga lam pat da ai majaw, mawdaw la ni mayak byin hkrum taw ai rai nga ai.
Lai wa sai shata lahkawng masum hta mung Myen hpyen maga pat da nna, laknak lang wuhpung ni she pat ai zawn n ten n man ai shiga ni mawng pru ai re.
