Myitkyina mare kaba hta lani hte lani gun rai manu rawt ai gaw shawoi na hta htam masum mali jan wa sai majaw, mung masha ni mayak tsin yam hkrum sha nga ai re.
Jinghpaw ginra yawng hta July shata 21 ya shani kaw na Ph, Internet line yawng pat di kau ya ai hpang , shawoi na hta gunrai manu htam masum daram rawt taw nga ai kaw, August shata maga de gun rai manu ni lani hte lani hking jan jan bai rawt nga ai lam chye lu ai.
Ya ten Myitkyina mare kaba kaw nan, n-gu buk mi 140,000 MMK, sha sau tau mi 15,000 MMK, shakau hpraw, Shakau hkyeng joi mi mun lahkawng grupyin, ba hkri si joi mi hking 8 ram du hkra manu tsaw rawt nga ai hpe chye lu ai.
Ya ten nkau gun rai ni Myikyina kata kaw nan dum hprut mat ai majaw, mari sha na matu pyi yak nga ai masa kaw byin hkrum nga ai lam Myitkyina ginra masha ni tsun dan ai re.
Ya na zawn Myikyina mare kaba kaw gunrai manu tsaw rawt taw nga ai lam hte, gunrai dum hprut mat ai lam ni gaw Myitkyina – Mandaly lam lapran hpyen majan ni jahkring hkring byin nna lam pat di kau ai majaw mung rai nga ai.
Dai sha n-ga Jinghpaw mung maga lai di wa ai gunrai htaw madaw ni hpe Jinghpaw mung hte Sagaing Jarit , Namsi Aung myen hpyen dap shagyit ni hta a ten galu pat hkum da majaw Myitkyina de lawan nlu lai di ai majaw ginrai manu ni lani hte lani manu tsaw rawt taw nga re lam matut chye lu ai.
