Myitkyina Shatapru lawk Dukaba Nban La nta shawng hta Bawm kapaw wa ai lam chye lu ai.
January 30 ya shana hkying 9 daram hta, myiman yawng magap da ai La lahkawng sengke hte sa wa nna, wang shakum ntsa rai majaw sa mara da ai hpang kapaw wa ai re nga, Shatapru lawk na mung shawa langai KNG de tsun ai re.
“Hpun palawng achyang hpun na myiman yawng magap da ai La lahkawng sengke hte sa wa na hpa majaw kun nchye ai sa mara kau da ai hpang kapaw wa ai re, grai wa hten ai lam gaw n nga ai, wang shakum hten ai daram sha re,” nga tsun ai re.
Dai Bawm kapaw ai hta, masha hkra hkala ai lam hpa n nga ai rai nna, nta shawng na wang shakum loi hkra hten mat ai re.
KIA Ningbaw kaba Dukaba Nban La a nta shawng hta bawm sa kapaw ai gaw, Shwe Min Pyitutsit wuhpung ni re lam, tsun taw ai rai tim, KNG maga laksan san shateng lu ai lam n nga ai re.
January 15 ya shana hta mung, Rambu lawk Salang Shwe Min nta bawm kapaw wa nna, January 28 ya shana Aung Mye Thit mare na Pyithutsit ningbaw Latsa Hkawng Dau a nta hta mung Bawm kapaw wa ai re.
