Shiga

Company Wang Kata Mungshawa Marai 50 Jan Rim Hkrum

Hpakant, Sanghka hte Mazup Yang mare lapran na lung seng company langai hta Myen hpyen dap ni may 29 ya shana hkying 9 daram hta htim shang w anna, mungshawa marai 50 hpe rim woi mat ai lam nga ai.

Myen hpyen hpung ni gaw rim da ai mungshawa ni hpe jahpawt maga Kahtan Yang maga de rim woi mat ai lam ginra masha ni kaw na chye lu ai.

Myen hpyen dap gaw shanhte n lu ga up mat sai company wang ni hpe ya na zawn rim jep ai lam ni galaw let, rawt malan hpung ni hpe n gun kya hkra galaw nga ai lam, hpakant ginra masha langai KNG hpe tsun dan ai re.

Dai company hpe shang zing ai shaloi lung seng lauban ni na mawdaw ni hpe mung rim zing da nna, langai hpe sen 50 hte sa shaw shangun ai lam chye lu ai.

Lai wa sai May 27 ya shani hta mung Mawmaw Layang hte Mawwan Gyi mare lapran kaw nga ai U Kyaw Naing Company shang zing ai kaw mung lung seng tam masha marai 20 jan hpe rim mat ai lam nga ai.

Related Articles

Back to top button