Jinghpaw laika, htung hking hte labau ni hpe sharin ya na online jawng

Labau hte laili laika, htung hkying hpan ni hpe sharin ya na online hpaji jawng langai hpaw da sai lam chye lu ai.

Mungmyit Sinli Institute of Education(MSIE) ngu ai jawng rai nna, ndai jawng gaw, htingnu htingsang hte sharin na jawng nrai tim, online hku nna hkum ding dek hpe hpaji gin len ya lu hkra hkyen nga ai lam chye lu ai.

Jinghpaw mung hte Mungmyit sinli zawn, ginra n bung ai hkan na, amyu sha ni, Jinghpaw laili laika, gasi ga ngau shai hkat ai lam, lachyum htai la shut ai lam, tinang a ga nsen hte sha  Jinghpaw laika ka hkrang, ka ladat ni, n rum hkat ai, dai zawn mang hkang ni hpe hparan mayu ai yaw shada lam a majaw online jawng hpe hpaw ai re nga lit nga ai ni tsun ai re.

Jawng hpe May 10 ya jan kaw nna hpaw hpang sana re majaw, asak 12 ning lahta jinghpaw laika chye hti chye ka sai kadai mung April 25 ya du hkra mying bang mai sai lam ndau da ai re.

Jawng shabrai hku nna yawm htum lap mun 5 masat tawn ai rai nna ya ten, sharin sara marai 7 hte sharin hpang wa na lam chye lu ai.

Jawng sara n law ai mayak mung naw nga taw ai majaw, myit lawm ai chye chyang ai sara ni hpe saw shaga hkap tau la nga ai lam mung ndau shabra tsun tawn ai re.

Myit lawm ai ni gaw lawu na link hta mying bang mai ai lam chye lu ai re.

https://www.facebook.com/profile.php?id=100090249732512

 

 

Exit mobile version