Makau grup yin makawp maga lam, hpaji jaw sumla hkrung kadun gyin shalat shing jawng lamang hpe Work Kachin Congress WKC woi awn let, dai ning bai galaw na lam March shata 24 ya shani ndau ai re.
‘Asak Lamu Ga’ ngu ai ga baw hte rau, du wa na June praw 5 ya ‘World Environment Day’ masat nhtoi hta shing jawng ai mahtai hpe ndau shana na re lam WKC ramma dap na Slg. Maran Htoi La tsun ai re.
Ndai video shingjawng lamang hta, mungkan shara shagu na, asak pang n masat ai myit lawm ai wunpawng amyusha ni yawng shang lawm mai ai lam chye lu ai.
Maning kaw nna galaw hpang wa ai, n dai World Environment Day masat dingsat Hpaji jaw sumla hkrung kadun shingjawng lamang a matu dai ning mung, ning gam langai ningtawn kum hpa matu US dawlar 1000, ninggam 2 US Dawlar 800 hte ninggam 3 US Dawlar 600 ni hpe shagrau na re lam chye lu ai.
