Myitkyina, Shingnan Balik dap gap hkrum nna, Balik 2 hkala

Myitkyina, masat (5) lahta tsang jawng makau na shingnan balik dap hpe, mana aten, Mung Shawa Makawp Maga Dap PDF ni  sa htim gap wa ai hta, Myen hpyen balik marai 2 hkala hkrum wa ai lam chye lu ai.

Mana November 21 ya shana 7:00 PM ram aten hta,  KPDF dap ni hku nna, 40 mm လက်ထောက် si hte sa gap bun ai hpang, sinat kaji ni hte matut gap gasat hkat wa ai re lam ginra masha ni kawn chye lu ai.

Dai zawn, gap hkat ai ten hta, Myen hpyen balik marai 2 hkala sawng wa ai rai nna, shan lahakwng hpe ya ten Myen hpyen tsi rung kaw tsi tsi taw nga ai lam ginra masha ni matut tsun ai.

Dai zawn Myen hpyen balik dap sa gap gasat hkrum ai hpang, Myen hpyen dap ni gaw, hpri gang mawdaw 5 ram hte rau, laga hpyen mawdaw ni hte yan ganawn hkawm wa ai lam matut chye lu ai.

Matut nna mung, gap gasat hkrum ai lam hte seng nna, muklum kata hkan tam sawk jep hkawm ai lam ni mung galaw nga ai lam matut chye lu ai.

Myitkyina muklum kata hta Myen hpyen dap gaw, PDF ni a kasat nhkrum hkra, laja lana rim jep nna, shara shagu azin ayang yu sin taw nga ai ten hta, ya na zawn kalang bai gap hkrum ai lam mung rai nga ai.

Read Previous

Myen hpyendap ni Mungshawa nga ai mare de laknak kaba gap bang

Leave a Reply

Your email address will not be published. Required fields are marked *