KIO ginjaw ginra de Myen hpyendap nbungli bawm sa jahkrat

sumla ding sa

Wunpawng Mungdan Shawnglawt Hpyendap KIA Ginjaw ginra Dapba 5 npu dung 19 ginra rai nga ai Hpun Lum Bum de Myen hpyendap kaw nna nbungli  bawm sa jahkrat ai lam chye lu ai.

May 1, Dai na hkying 8 daram hta bawm sa jahkrat ai rai nna, bawm kapaw ai nsen gaw Laiza kaw nna pyi na lu ai lam Ginra Masha ni tsun ai re.

Nbungli langai hte lahkawng lang da bat bawm sa jahkrat ai hpe na ai nga nna ginra masha nkau mung tsun dan ai re.

Myen hpyendap gaw Myothit, Kunglaw maga de shani shagu nbungli hte sa gap nga ai kaw nna, dai na gaw ginjaw ginra hte ni htep ai shara de bawm sa jahkrat ai lam re hpe chye lu ai.

Lagaw lam hte htu gasat ai majan ni hta Myen hpyendap maga si hkala ai jahpan grai law wa ai majaw, shani shagu nbungli hte sa gap nga ai lam chye lu ai.

Read Previous

Numlang mare hta Myen hpyen n gun 300 bai jat du wa

Read Next

Hpakan e n gun madun mungshawa langai gap sat hkrum

Leave a Reply

Your email address will not be published.