Nmawk hte Daw Hpum Yang lapran na Numlang mare kata mung shawa ni a dum nta hte laika sharin jawng ni hta bai jat wa ai hpyen n-gun 300 daram dap jung nga ai lam ginra masha ni kaw nna chye lu ai.
Dai hpyen n-gun 300 kaw nna nkau mi gaw dai hpawt jau jau Alaw Bum maga de rawt mat was ai lam chye lu ai.
“mare kata hpyen n-gun 300 daram rawng taw nga ai. Alaw bum maga de hpyen n-gun jat na rai sam ai nkau gaw dai hpawt rawt mat wa sai” nga nna tsun ai re.
Myen hpyendap gaw Wunpawng Mungdan Shanglawt Hpyendap KIA a Alaw Bum hpe bai zing la lu na matu hpyen nbungli hte shani shagu bawm wa jahkrat nga ai lam chye lu ai.
Myothit, Kunglaw hte Numlang majan ni a majaw, buga masha ni gaw ya ten Nmawk hte Manmaw ginra de hpyen koi yen nga ai lam chye lu ai.
