Shiga

Hpakan e n gun madun mungshawa langai gap sat hkrum

Hpakan mung shawa n gun madun poi hpe Myen hpyendap maga sinat hte sa gap ai majaw marai langai asak si sum mat nna kaga marai langai gaw ningma sawng mat ai lam chye lu ai.

May praw 2, dai hpawt hkying 9 daram hta n gun madun na matu masha naw mahkawng nga ding yang aten e, hpyenla hte pyada ni du wa nna sa gap ai majaw ya na zawn si hkala hkrum ai hpe chye lu ai.

Asak si sum mat ai wa gaw asak 33 ning daram re mungshawa rai nna, ningma sawng ai wa gaw asak 27 re ramma re hpe chye lu ai.

Mugaung mung shawa n gun madun poi hpe dai hpawt hpyenla hte pyada ni sa gap shabra ai raitim, si hkala ai lam gaw n byin ai re.

Jinghpaw mungdaw kata hta, gum shem Myen hpyendap kaw nna gap sat ai majaw mung shawa marai 10 jan asak si sum mat sai re.

Related Articles

Leave a Reply

Your email address will not be published. Required fields are marked *

Back to top button