CRPH hta KSPP dat kasa langai shanglawm wa ai gaw pati gawng malai nrai

Slg. Lama Naw Awng

Munghpawm rapdaw gawng malai komiti CRPH hta Kachin State People’s Party KSPP na dat kasa langai shanglawm wa ai gaw Pati a gawng malai nre ai ding hkrai daw dan ai lam she re ai lam chye lu ai.

Slg. Lama Naw Awng gaw CRPH hta shanglawm ai majaw, KSPP pati a magam bungli ni hta hkring da ai raitim, pati kaw nna pru ai lam gaw nnga shi ai hpe chye lu ai.

“CRPH hta shang lawm ai majaw mungdan ting gumshem asuya hpe ning hkap nga ai ten hta shang lawm byin wa ai lam mung re. Mung shawa ni yawng a n gun jaw madi shadaw lam hpe mung lu wa na re ngu na kam ai” nga nna Slg.Lama Naw Awng KNG shi ga dap hpe tsun dan ai re.

Slg. Lama Naw Awng gaw 2015 ning mungdan ting ra lata poi hta KSDP dat kasa, 2020 ra lata poi hta KSPP dat kasa hku nna Njang Yang Pyithuhluttaw shara hta 2 lang da bat ra lata poi dang ai re.

Ya na zawn Slg. Lama Naw Awng CRPH de shang lawm mat ai lawnglam hte seng nna KSPP pati kata kaga bawngban dawdan da ai lam nnga shi nga nna pati ningbaw Dr. Manam Tu Ja tsun ai re.

Amyusha Democracy Ginjaw pati (NLD) dat kasa ni kaw nna February praw 5 ya shani dat kasa marai 15 hte CRPH hpaw dat ai rai nna, dai hpang marai 2 hpe bai jat la ai re.

April 26 ya shani hta Slg. Lama Naw Awng hte hpawn malawm marai 3 hpe CRPH malawm hku nna bai jat dat ai lam ndau da ai re.

Read Previous

Hupin makau mahkrai lahkawng bawm kapaw jahten hkrum

Read Next

Hpyendap hpe ninghkap gum lang ai lam n galaw na matu Putau ginra masha ni hpe zin lum

Leave a Reply

Your email address will not be published.