Mungkan Shiga

Venezuela de Iran sau htaw wa ai sanghpaw mali hpe US zing

Venezuela de Iran na sau htaw lai ai sanghpaw mali hpe hkum pat tawn ai tara tawt lai ai majaw rim kau sai nga nna, US Tara Upadi Dap ndau ai.

Sau-htaw sanghpaw mali hta htaw tawn ai wansau nhprang (petroleum) yam (barrel) wan 1.116 hpe “maigan hpaga ginrun ni” garum hpyi ai hte maren, ya US rim da kata re nga, magam dap a bat Manga Ya shani ndau hta tsun ai.

“Ndai rim ahkyak la ai lam gaw asuya a Iran na htaw wa ai sau law dik re” nga nna ndau da nhtawm, dai sau htaw shalai ai hpe Islamic Revolutionary Guard Corps galaw ai re nga tsun ai.

Sanghpaw mali gaw M/T Bella, M/T Bering, M/T Pandi hte M/T Luna ni rai ma ai.  Ndai sanghpaw ni hpe hpawt hpra ni Houston de gawt wa na matu matsun da ai nga nna, The Wall Street Journal tang madun ai.

Leave a Reply

Your email address will not be published. Required fields are marked *

Back to top button