Ameracan Dingda Venezuela Muklum kaba kaw N-nang nawn kaba lahkawng lang nawn ai majaw, mung shawa marai 164 si nna, marai 1000 jan hkala hkrum ai lam, lit nga ai Asuya ni kaw na n dau da ai re.
June 24 ya shana hkying 6 daram aten kaw nawn mat wa ai rai nna, n-nang nawn n-gun 7.5 Magnitude n-gun kaba hte nawn mat ai majaw, mung shawa dum n ta law law daw ru htenza hkrum wa ai hpe Mungkan Shiga ni hta mu lu nga ai re.
Venezuela mungdan kaw nawn mat ai nnawn nawn a masa lam hpe Ameracan lamu ga sawk hkrawk hpung (USGS) tsun maram da ai hta, nnang nawn a majaw si hkala hkrum ai mung shawa  mun mi jan daram nga na masa nga ai lam tsun maram da ai re.
June 24 ya shani gaw Venezuela mungdan a Rung pat n htoi re majaw, yawng hkra ni n ta kaw hkring taw ai ten ang ai majaw, si hkala grau law na masa re lam matut tsun da ai re.
Dai n-nang nawn gaw Muklum kaba Caracas sinna kaw madung byin mat ai nnang nawn gaw mungdan ting madang nawn lai mat ai sha n-ga, Colombia Mungdan Bocota muklum ni hta mung nawn hkra mat ai lam nga ai hpe chye lu ai.
Venezuela mungdan kaw nawn mat ai hpang, Japan mungdan kaw mung dai hpawt manap hkying 7 aten daram kaw 6.9 Magnitude n-gun nga ai, nnang nawn bai matut nawn mat ai lam nga ai hpe chye lu ai.
Japan kaw byin ai nnang nawn gaw, si hkala htenza lam yawm ai hpe Mungkan shiga ni hta tsun da ai re.
