Tengman ai Shiga hpe gara hku lata hti na

Munghpawm Myanmar mung hta ma kaji kaw nna masha kaba du hkra, gu ji gu ra facebook account ni hpe hpaw lang nga ai hpe mu lu ai. Shiga hti ai, hpaji sharin hkaja ai hte online marketing (gatdut pyin ra) shatai nna facebook hpe jai lang nga ma ai.

Yawng yawng hkum sumhpa mara ai Facebook ntsa hta, shiga hti na rai yang, kam ging ai shiga, jaw ai shiga ni hpe chye lata hti na matu mung ahkyak nga ai.

Munghpawm Myanmar mungdan hta masha wan 25 gaw facebook lang ai lam 2020 May shata na sumtang langai hta mu lu ai.

Lai wa sai shaning law law hta ‘Shiga’ hpe, Radio hte Shi laika pa (News Paper) kaw sha mu hti, mu madat lai wa sai raitim, ya dai ni gaw rawt jat wa ai prat masa hta hkan nna, masha law malawng lang ai social media Facebook pyin ra hpe shiga dap ni nan mung jai lang ai rai nga ai.

Media Shiga Dap ngu ai gaw shiga shagu hpe tinang nan sawk san shateng nna, mungshawa hpang de bai ginlen dan ai re majaw, tinang a shiga hpe lit la let shapraw ai rai nga ai. Shiga masu, jashut langai hpe tinang gaw atsawm n jep yu ai sha, kam shut kau ai rai yang, tinang a matu mung, kaga manang wa a matu mung kaja akyu n jaw nga ai.

Dai re majaw, tinang hku nna social media ntsa mu hkrup ai shiga, lawng lam yawng mayawng hpe mu ai hte kalang ta n kam na matu hte, san jep dinglik yu ai lam n galaw ai sha bai garan gachyan ‘share’ ai lam n galaw na matu grai ahkyak nga ai.

Facebook ပေါ်က သတင်းမီဒီယာနှင့်ဆိုရှယ်မီဒီယာ

Facebook ပေါ်က သတင်းမီဒီယာနှင့်ဆိုရှယ်မီဒီယာ

Posted by Kachin News Group on Monday, July 13, 2020

Read Previous

Hkawng Lang Hpu ginra Fortuna Metals a bungli masing gan jahkring da

Read Next

KBC Ningbaw Rev. Dr. Hkalam Samson a KIO Laiza kaw na nhtang wa ten jep hkrum

Leave a Reply

Your email address will not be published. Required fields are marked *