Gala gaw U.S. Apache helicopter hpang jahtum 5 hkap la lu

Apache helicopter. Courtesy: Indian Air Force

Miwa hte Sinpraw Ladakh jarit manghkang shaja hkat nga ten, Gala Nbung Dap a matu U.S. na htet da ai Apche helicopter yawng 22 hta na, hpang jahtum 5 hpe shalai dat lu sai nga, ndai majan helicopter galaw shapraw ai Boeing company kawn July 10 hta tsun wa sai.

Majan helicopter dap hpe Miwa hte jarit manghkang byin shara, Sinpraw Ladakh ginwang, LAC (Line of Actual Control) hta jahkrat da chyalu re lam chye lu ai.

IAF, Gala Nbung Dap a matu Apache helicopter 22 hte Chinook (hpyen htaw sa htaw wa helicopter kaba) 15 hpe shalai jaw dat sai hte Gala makawp maga dap ni a shamu shamawt lam hta ra ai lam ni hpe jahkrum shatsup lu hkra htep lahti galaw nga ai lam, Boeing tsun ai re.

Jahtum na Apache helicopter 5 hpe Hindan Nbung Dap Daru de shalai ya ai re. March shata hta gaw, jahtum na Chinook 5 hpe shalai jaw sai re.

Apache hte Chinook helicopter lahkawng hpan hpe ya Miwa hte jarit manghkang shaja hkat nga ai shara de jai lang na matu dip n-gun jaw hkrum nga ai re.

Apache hpe Ladakh shana majan hta jai lang nga ai re. Apache gaw U.S. majan helicopter dap hta kamhpa ra ai marung rai nna, prat dep hpan hkum majan gap lu ai atsam rawng ai rai nga ai.

Chinook hpe gaw hpyenla, laknak machyu pala hte kaga arung arai ni htaw wa htaw sa hta jai lang ai rai nga ai.

Read Previous

Myen COVID-19 machyi masha 5 jat, makawp ninghkap ladaw bai jat

Read Next

Syria mawdaw bawm kaw Rasha hpyenla ni hkala hkrum

Leave a Reply

Your email address will not be published.