KIA Dap Awn Daju Laiza grupyin de gawan

Gen. Gunhtang Gam Shawng, KIA Dap Awn Daju. Sumla: KIO

Gen. Gunhtang Gam Shawng, KIA Dap Awn Daju gaw daini, April 24 ya shani tinang Laiza muklum grupyin de shawng de nau n mu ga ai gawan hkawm ai lam galaw wa sai.

Dap Awn Daju gaw Mai Sak Pa COVID-19 ana zinli maram masam quarantine dabang hte Munglai Hkyet COVID-19 machyi masha nga na lajang da ai shara de jahpawt daw sa du gawan ai lam , KIO shiga lawk ni hta mu lu ai.

2018 ning htum wa de kaw na, Myen hte KIO lapran Jinghpaw Mungdaw kata majan n nga ai daram hkring mat ai kaw nna, Rahkai Hpyendap, AA hpe KIO hkapla tawn ai majaw Myen a hpyen masa ahkyak la na sadi jaw hkrum nga ai re.

March 23 hta Myen asuya gaw AA hpe terrorist jahten sharun hpung ngu masat dat nhtawm AA ni nga ai KIO Laiza hte Mai Ka Yang mare ni mung gap gasat hkrum wa na re lam, Myen Hpyendap sadi jaw tawn sai re.

AA hpe yen kau na lam KIO n hkapla ai masa madun nna, manghkang hpe hpyen masa hte hparan shakut ai gaw ladat n jaw ai lam, KIO gaw Myen hpyendap hpe htang shana tawn ai re.

Dai zawn AA hpe terrorist ngu masat ai hpang, KIO shanglawm ai Dingdung Daw Daphpawm wuhpung mali (KIO, AA, Balawng TNLA hte Kokang MMDAA) hte Myen asuya lapran kahkrup nga dingyang bilateral gap hkat jahkring na lamang mung hten mat ai masa kaw du nga sai re.

0 Reviews

Write a Review

Read Previous

U.S. Covid-19 si jahpan 45,000 jan sai

Read Next

COVID-19: KIO Dingdung Ginwang de masha pru-shang pat hkum

One Comment

  • Grai hkrak sai an hte mung shawa ni a bong mu gaw myen hte gaw NCA n nga bilateral Tim n loi daw n Mai sign na re ngu mu mada ai

Leave a Reply

Your email address will not be published. Required fields are marked *