Sara yan hpe pyada dap e tawn da ai nhtoi 5 ya du sai.

Sara Tu Htang hte Sara Bima Dau Lum

Rawt malan nhtoi galaw ai majaw rim da hkrum ai Rev.Bima Dau Lum hte Sr Sumlut Tu Htang yan a amu manghkang hte seng na Balik Dap gaw dai ni du hkra asan sha tsun sanglang ai lam n-galaw ai sha n-ga, Sara 2 hpe mung ndat shi ai re.

February praw 5 ya shani Jaw Bum e rawt malan masat poi galaw ai hte seng nna ahkyak la ya na matu Myen hpyendap kaw nna Pyada dap de matsun tawn ai re hpe chye lu ai.

Raitim, M.P.Hk hpyendap hte Wunpawng Amyusha Mungbawng Rapdaw WMR hte makam masham ningbaw ni bawngban ngut ai hpang masa htuk ai nga tsun tim, ya du hkra sara 2 lawt pru ai lam nnga shi ai re.

Bai nna Sara 2 hpe nhtoi 10 du hkra Pyada dap e zing da na matu ahkang lu da ai lam shiga ni mung pru nga ai re.

Dai shani na rawt malan poi hpe Ramma ni woi awn galaw ai rai nna ra rawng ai lam nga sai hte hpang e dai zawn nbyin hkra galaw na re lam hpyi nem laika hpe WMR February praw 7 ya shani Myen hpyendap dingdung daw daju MPHK de bang sai re.

Sara yan 2 hpe February praw 7 ya jahpawt daw kaw nna Myitkyina masat 1 Pyada dap e zingda ai gaw ya dai ni 5 ya du sai re.

0 Reviews

Write a Review

Read Previous

Sara yan 2 hpe Pyada dap e naw tawn da

Read Next

Manje e nbung sinat kalang bai rim nat jahten

Leave a Reply

Your email address will not be published. Required fields are marked *