Sara yan 2 hpe Pyada dap e naw tawn da

Jaw Bum e rawt malan masat nhtoi galaw ai majaw shaga jep hkrum nga ai Hpung sara yan 2 hpe ya ten du hkra ndat ai sha masat (1) pyada dap e naw tawn da ai lam chye lu ai.

February praw 5 ya shani na rawt malan lamang hte seng nna, Myen hpyendap dingdung daw daju M.P.Hk hpang de hpyi nem laika bang yang ndai amu manghkang jahkring kau na matu jahkrup lu ngut ai hpang, Wunpawng Amyusha Mungbawng Rapdaw WMR gaw mani February praw 7 ya shani laika bang ngut sai re.

Raitim, Sara Sumlut Tu Htang hte Sara Bima Dau Lum yan hpe ya ten du hkra ndat shi ai sha n-ga, hpawt ni February praw 9 hta mung ndai hte seng nna matu bawngban ra ai lam Jinghpaw Wunpawng Hkalup Hpung Ginjaw KBC ningbaw Rev.Dr. Hkalam Samson kaw nna chye lu ai.

Mana de maga M.P.Hk de laika bang ai hta ‘ramma ni woi awn ai lamang re majaw, myit mang ai lam hta ra rawng ai lam nga sai hpe hkap la ai rai nna, ya na zawn mabyin hpang de nbyin hkra Wunpawng Amyusha Mungbawng Rapdaw WMR hte makam masham wuhpung ni hku nna shakut mat wa na ga ai’ nga nna tsun da ai re.

Bat 3 ya shani galaw ai rawt malan masat wunli la kyuhpyi hpawng hta hpyen dazik nlawm ai palawng ni hpe bu hpun nna ga mung madun ai lamang galaw ai re.

Read Previous

Jaw Bum e galaw ai Rawt Malan kyuhpyi hpawng hte seng nna Myen Hpyendap de laika bang

Read Next

Sara yan hpe pyada dap e tawn da ai nhtoi 5 ya du sai.

Leave a Reply

Your email address will not be published. Required fields are marked *